Thikai zawtnak a neimi umtu ning le I zohkhenh ning tete

Thi a kaiter khotu hi phunhnih in an then, khamh khawhmi/ tuah khawhmi le khamh khawhlo mi/ tuah khawhlo mi tiin an then hna.Khamh khawhlo mi pawl cu, kan kum khua a upat hin cun BP hi a mah tein a sang ve ko, cun chi le kuangin thikai zawtnak cu neih khawh a rak si.

Thikai zawtnak cu zeitindah kan I khamh khawh lai? kan ti khawh tawk tete an rak um ve, mah pawl cu, thaunak kan taksa rih ning cu kum le san ning he aa kaih ding an si, cite ei I sum, a tlawr naalmi thil ei I sum, zu din le kuak zuk mah pawl hi kan mah te nih kan I control khawhmi pawl an si.

Thi kai cu zeitindah a rak I thawk/ a langh ning? zing an thawhkaa ah an lu, an cal hrawng cu a fak, an um sawh ko zongah an thaba,a caan ah an hnar thi hna rak chuak, an hrawm hna fak, a caan ah an thawhah, an mit a fianglo, a caan ah cun mit tiang a rak caw kho, an kal (kidney) tiang a tlaih cun zaan ah an zun tan I ceh, midang nakin an zun a tam, thi tiang zongin zun khawh asi.

Zeitin dah kan I zohkhenh lai? A cungah thikhai zawtnak I khamh ning bantuk khin tha ten kan tuah lai, nifatin taksa cawlcangh nak Exercise hi neih pengah a tha, lungthawh caan poah tuah ti pawl cu zei setsai an si hnalo.Si pawl nih hin thikai an damter kholo, a control ti lawng asi, mah caah cun si kan din dih hnu zongah kan BP sangmi cu aa rel ngai kho men, peh zulhtein si cu kan din piak ding asi, nunchung ei ding an rak si theo tawn.



Be the first to comment

Leave a Reply

Your email address will not be published.


*