Pathian sinah lawmhnak biachim kan leiba

Chikhatte lawng! Mah ca na relmi hin naa ngaichih hrimhrim lai lo.Bawipa kaa lawm tuk na ti bal ma? Zeitluk in?Cakuat dawh nih Pathian sinah lawmhnak bia chim kan chambau ning a langhter.Voikhat cu mirum pa nih a thlalangawng in khua a cuan i, sifak pa te a hmunthur bawm ah chia a rak khawmh len lio a hmuh. A lungchung ten “Maw Bawipa, Kaa lawm tuk ka sifah lo caah” tiah a ti.

Sifak pate nih a pawngkam khua a hei zoh ve i, mihrut pa, taklawng in a aukhuan len ko a hei hmuh. Bawipa kaa lawm tuk ka hruh lo caah a ti ve.Mihrut pa nih cun sizung mawtaw nih mizaw a phorh lio a hmuh ve i Bawipa kaa lawm tuk ka dam caah a ti.

Mizaw pa ve nihcun sizung a umnak ah mithi an kalpi thluahmah lio khi a hei hmuh i, maw..Bawipa kaa lawm tuk mithi ka silo caah, ka nun rih caah tiah a ti ve.Mithi lawng nih Pathian sin ah lawmhnak bia an chim kho lo.Ziah nihin ah Pathian nih tluachuah an pekmi liangluang cungah lawmhnak na chim kho ve lo ma? Nunnak an pek mi ruangah.

Nunnak hi Zei ko dah a si?Nunnak a sullam hngalh na duh ahcun, kalnak hmun 3 ah hmuh khawh a si. Cu hna cu:1)Sizung 2)Thonginn 3) Thlaan.Sizung ah cun ngandam lengleng a tha mi um lo na ti lai.Thonginn na phak cun luatnak hi a sung bik mi a si naa fiang lai.Thlaan na kal bak in nunnak lengleng a sung lawi mi na ti lai, Nihin kan lamhmi vawlei hi thaizing kan inncih a si lai hi…A Hmaan Bak Mi Thil: Taklawng in kan chuak i taklawng in kan kir than lai. Cucaahcun, toidor ten um izuam cio usilaw, Pathian sin ah lawmhnak bia chim hi kan rian siseh.




Be the first to comment

Leave a Reply

Your email address will not be published.


*