Khuazei ah dah na um? Na umnak naa thei maw?

Sihmansehlaw Bawipa Pathian nih cun mipa cu a vun auh i, “Khuazei ah dah na um? tiah a ti.” (Genesis 3: 9)

Pathian nih Adam le Eve cu a mah he i hawikomhnak ngeih dingin a sermi hna an si. Sihmansehlaw an mah a sertu Bawipa Pathian bia ngai loin Satan bia tu an ngaih tikah Pathian caah mitlau ah an cang. Pathian nih tuah lo dingin a pek mi hna nawlbia an ngaih lo caah mitlau ah an cang. Bawipa Pathian nih “khuazei ah dah na um” tiah Adam cu a kawl. 

Cu ve bantuk in Pathian nih a mah he i hawikomhnak ngeih dingin  Jesuh Khrih thisen in a kan tlanh. A mah nawlngaihnak tangah um hna seh ti a kan duh. Cu cu lanhtak riangmang in kanmah duh ningin kan um sual maw? Jesuh Khrih thisen in a kan tlanhtu Pathian bia ngai loin kan tlau ve sual maw? Pathian nih “khuazei ah dah na um” tiah kawlmi kan si ve sual maw? Pathian nih um hna seh tiah a kan duhpiak mi hmun ah kan um taktak maw?  Khuazei ah dah kan um? Kan umnak hmun kan i thei maw? Hihi nifa tin kan nunnak ah  kan i theih dingah a herhmi thil a si.




Be the first to comment

Leave a Reply

Your email address will not be published.


*