Australia Ram Meikang Ruangah (Firefighter) A Thi Mi Cawimawinak Medal Cu A Fapa Sinah Pek A Si

Kan theih cio ban tuk in australia ram a kang mi ah hin saram tampi an thih pinah pawngkam hrawng i a um mi mitampi zong nih harnak an tong lio a si, mah lio ah hin mei thattu pa pakhat (fireman) cu a nunnak a liam. Mah mei thattu (Fireman) pa raltha le ram caah a nunnak petu sinah hin cawimawinak pek a si.

Fire Commissioner Shane Fitzsimmons nih cun mah cawimawinak medal hi mei thattu (fireman) a thi mi a fapa kum 7 mi Harvey keaton sinah fire uniform (RTS) i hruk ter buin mah cawimawinak medal hi a pek.

Harvey Keaton apa a thi mi kum 35 mi, Geoffrey Keaton hi kan hnu zarh meikang thattu (fireman) a thi mi pathum hna ah khan a tel ve tiin report ah an van langter.

Australia ram meikang mi hi zarkhat chungin hmun tampi ah a kang manh, New South Wales pyine le victoria pyine ah a thi mi hna hi minung pa 8 an tling cang pinah a tlau mi hna hi minung 18 an um rih.

Mah meikang mi ruangah hin mi tampi nih an in le lo cu an kal tak, um nak inn tampi meikang nih a hrawh pinah saram tampi an thi cang.

Thlacamnak in bawm rih ko hna usih..

Be the first to comment

Leave a Reply

Your email address will not be published.


*